БҰҰ-ының Қауіпсіздік Кеңесі Ирақ бойынша жаңа Қарарды бірауыздан қабылдады.

БҰҰ-ының Қауіпсіздік Кеңесі Ирақтағы биліктің уақытша үкіметтің құзырына берілеті туралы Қарарды бірауыздан мақұлдады. Қарарда АҚШ бастаған коалициялық күштердің қауіпсіздікті қамтамасыз ету үшін 2005 жылдың соңына дейін Ирақта қалатыны көрсетілген. АҚШ-тың БҰҰ-ындағы елшісі Дж.Негропонте: “Бүгінгі дауыс берумен біз маңызды белесті өткенімізді мойындаймыз. 30 маусымда Ирақ өзінің тәуелсіздігін алып, демократиялық жолмен үкіметті жасақтауға қадам жасайды. №1546 Қарардың бірауызбен қабылдануы – адам құқы мен саяси еркіндігі құрметтелетін, демократиялық, федералдық әрі біртұтас Ираққа халықаралық кең қолдау көрсетілуінің айқын айғағы”, -деп атап көрсетті.