Бүгін Грузия президенті Михаил Саакашвили Иранға ресми сапарын бастады. Сапар барысында грузин лидері Иран президенті Мухаммад Хатамимен және басқа да ресми өкілдермен Тбилиси мен Теһран арасындағы саяси-экономикалық және мәдени қарым-қатынастар мәселелері бойынша келіссөздер жүргізуі жоспарланып отыр. Халықаралық мәселелерден аймақтық проблемалар әңгіме болмақшы. Сапар барысында М.Саакашвили этникалық грузиндер 17 ғасырдан бері мекендейтін Иранның Ферейдан өлкесіне барады.
