Бүгін Газа аймағының оңтүстігіндегі Рафаһ қаласында болған жарылыстан 3 палестиндік азамат қаза болып, кем дегенде 15-і жараланды.

ТАЯУ ШЫҒЫС: Бүгін Газа аймағының оңтүстігіндегі Рафаһ қаласында болған жарылыстан 3 палестиндік азамат қаза болып, кем дегенде 15-і жараланды. Израиль армиясы өкілдері мен куәгелердің айтуынша, палестиндіктердің Рафаһтағы Израиль армиясына қарсы қолданбақ болған бомбасы жарылған көрінеді. Екі арадағы қақтығыс – Израиль армиясының Мысырдан қару-жарақ тасымалданатын жерасты тоннельдерін іздестірген тінтуі кезінде аяқастынан туған.