Ирақтың өтпелі кезең бас министрі Айад Аллауи егер Фаллуджадағы бүлікшілдер Йорданияда туылған Зарқауи мен оның сыбайластарын ресми әкімшілікке тапсырмаса онда әскери шара қолданады деп ескерткен

-Біздің міндетіміз Ирақ халқын қорғау. Сондықтан Фаллуджа халқы түсіністікпен жауап берер. Олай болмаса онда біз күш қолданамыз, - дейді Айад Аллауи.

Ал бұл арада Ал-Зарқауи бастаған топ интернет жүйесінен бейне таспа көрсетіп, Ирақ барлау қызметінен екі офицердің басы кесілгенін хабарлаған. Соңғы тәулікте Ирақта болған қақтығыстарда 5 американдық әскер қаза тапқан.