Ирақ үкіметі әскерге жаңадан шақырылған 49 азаматтың ажалы жайында тергеу жүргізіп жатырмыз деп мәлімдеді. Уақытша бас министрі Ияд Аллауи жексенбі күні болған жаппай өлтіруге АҚШ бастаған әскери бірлестіктің салғырттығы жол ашты деп сипаттады кеше Ұлттық кеңесте сөйлегенде. Бірақ Ияд Аллауи АҚШ бастаған коалицияның қатесі неде екенін ашып айтпады. Қорғаныс министрі Хазем Шалаан болса "Әл Арабия" телекомпаниясына берген сұхбатында әскерге шақырылғандар өздері кінәлі, олар дайындық базасында дәрістемелері аяқталған соң үйлеріне өздері рұқсатсыз кетіп қалған деді.
