АҚШ-тағы кезекті президент сайлауына 2 тәуліктен де аз уақыт қалған мезгілде президенттікке негізгі екі үміткер елдің бірнеше штатында үгіт-насихат науқанын өткізуде. Кеше Президент Дж.Буш пен оның бақталасы Джон Керри президент сайлауында жеңіске жету үшін өте маңызды Висконсин, Мичиган және Огайо штаттарында болды. Осы күні сөйлеген сөздерінде екеуі де терроризмге қарсы күреске деген өздерінің жоспарларын ашып көрсетуге тырысып бақты. Мысалға, президент Дж.Буш: “Террористер өз үйіміздің алдынан шықпас үшін, біз оларға бүкіл жер шарының түкпір-түкпірінде соққы береміз”, -деп мәлімдеді.
