Аббас Арафаттың өмір жолын жалғастыруға шақырды

"Палестинаны азат ету" ұйымының төрағасы Махмұд Аббас Ясир Арафаттың өмір жолын жалғастырып, Палестина мемлекетін құру мақсатына қызмет етуге шақырды. Бұл мәлімдемесін Махмұд Аббас бүгін Ясир Арафатты еске алған парламенттің арнайы мәжілісінде айтты. Палестина басындағы "Фатах" ұйымы өткен түні Махмұд Аббасты Палестина әкімшілігінің президенттігіне үміткер етіп сайлады. Дегенмен, "Фатах" ұйымының кейбір мүшелері президенттікке көтеріліс басшысы Маруан Барғутиді ұсынған жөн дейді. Маруан Барғути қазір Израил түрмесінде жатыр.