Украина парламенті Ирақтағы өз әскері шығарылсын деп талап етуде

Бұл күндері Украинадағы даулы президенттік сайлау жағдайын талқылап жатқан парламент Украинаның орнынан кетіп бара жатқан президенті Леонид Кучмаға Ирақтағы өз әскерін шығарып, елге қайтаруды сұраған өтінішпен қайрылды. 450 заң шығарушының 257-і қолдап дауыс берген осындай шешім бүгін президентке берілді. Ирақта Украинаның 1600 жасағы бар, бұл Ирақтағы АҚШ бастаған соғыстан бері тұрған шетелдік әскерлердің саны жағынан төртіншісі деуге болады. Парламент шешімінде Ирақтағы жағдай шиеленісіп кеткендіктен де, жасақтардың елге қайтуы талап етіледі делінген. Ирақта барлығы 9 украин содаты қаза болған.