Биылғы қажылық кезінде төтенше жағдайға жол берілген жоқ

Қажылыққа барған екі миллиондай мұсылманнның Меккенің жанында шайтанға тас лақтыру рәсімінде адам өліміне душар еткен қандай да бір төтенше жағдай орын алды деген хабарлар түскен жоқ. 2004 жылы қажылық барысында осы рәсімді атқару кезінде 250 дей адам аяқ астында тапталып, өліп кеткен болатын. Ал 1999 жылы 1500 дей адам осындай жағдайда қайтыс болғаны белгілі. Сауд Арабиясының билігі биыл мұндай оқиғаларды болдырмаудың біраз шараларын қарастырған екен.