Бүгін АҚШ-тың мемлекеттік хатшысы Кондолиза Райс Еуропа мен Таяу Шығыс елдеріне сапарының соңғы аялдамасы – Люксембургке келуі керек. Бұл сапарының барысында Райс ханым Еуроодақтың қазіргі төрағасы болып табылатын Люксембургтің сыртқы істер министрі Жан Асселборнмен, Еуроодақтың сыртқы саясат жетекшісі Хавьер Соланамен және өзге де ресми өкілдерімен келіссөздер өткізеді. АҚШ-тың мемлекеттік хатшысы бұл сапарына Еуоодақпен арадағы қатынасын жақсарту үшін аттанған болатын.
