Ал халықаралық қауым Иранның ядролық бағдарламасына орай қысым көрсетуде. Мемлекеттік бұқаралық ақпарат құралдары халықты көшеге шығуға шақырып, АҚШтың қоқан-лоқысына орай өз көзқарасын білдіруді ұсынды. “Америкаға - өлім! Екіжүзділік жойылсын! Израильге - өлім!”деп, өз наразылықтарын Ирандық әскери сақшылары білдіріп жатты. АҚШ Иран жасырын түрде ядролық қару жасап жатыр деп айыптап келеді. Ал, Еуропаның 3 елі - Ұлы Британия, Франция және Германия Иранмен келіссөздер өткізіп, өзінің ядролық бағдарламасынан бас тартуын талап етіп отыр. Иран өз кезегінде АҚШтың айыптауларын мойындамайды.
