АЛМАТЫ. Қазақстанның құқық сақшылары әйелдерді саудаға салды деген айыппен ұлттық армияның жоғары шенді өкілін қамауға алды. Ішкі істер министрлігі өкілдерінің мәлімдеуінше, айыпталушы өткен жылдың қыркүйегі мен қазан айы аралығында әйелдерді жұмысқа қабылдап, оларды ТМД кеңістігінен басқа елдерде жезөкшелікпен айналысуға мәжбүрлеген. Қанша әйелдің қандай елде жезөкшелікпен айналысқаны әзірге белгісіз. Қазақ теледидарының хабарлауынша, армия өкілі әскери барлау қызметінің тергеуі нәтижесінде тұтқындалған.
