Ирақта 40 адамның сүйегі жасырын жерленген беймәлім 2 зират табылды

БАҒДАД. Бүгін Бағдадта экстремистер аудандық полиция басшыларының бірі мен оның бірнеше қызметкерін атып кетті. Сәрсенбі күні Ирақта белгісіз екі зират, оның бірі Сириямен арадағы шекараға жақын Қайым қаласында, екіншісі – Бағдадтан оңтүстікке қараған бетте табылды. Зиратқа 40-тан аса адамның – жауынгерлер мен бейбіт тұрғындардың сүйектері жерленіпті. Сәрсенбі күні Бағдадтағы қонақ үйдің жанында бомба орнатылған автокөліктің жарылысынан 4 кісі, оның ішінде 2 жанпидашыл-лаңкес қаза болды. Жараланған 40 адамның 30-ы – Ирақта шарт бойынша жұмыс істеп жатқан америкалықтар көрінеді.