Жапония сыртқы істер министрі Нобутака Мачимура Жапония мен Қытай арасындағы келіспеушіліктер шешілетініне сенім білдірді

ТОКИО. Мачимураның мәлімдеуінше, кеше Қытай президенті мен Жапония премьер-министрі арасында өткен кездесуде екі ел қарым қатынастарын қайта қалпына келтіру мәселелері талқыланған. Бұған дейін Қытайдың бірнеше қаласында Жапонияға қарсы шерулер өткен еді. Бұл қарсылықтар жақында Жапонияның мектепке арналған тарих оқулықтарына өзгерту енгізу жөніндегі шешімінен кейін өрістеп кеткен болатын. Қытайлықтардың айтуынша, аталған кітаптарда Жапония Екінші дүниежүзілік соғыс кезіндегі қатыгездік пен зұлымдықтарын жасырған.