Тбилисиде Бушқа қарсы қастандық жасалды ма?

АҚШ құпия қызметі президент Джордж Буш Тбилисиде жұрт алдында сөйлеп жатқан кезде болған оқыс оқиғаны тергеп жатыр. Грузия ресми орындары қол гранатасына ұқсайтын зат президент Буш сөйлеп тұрған мінберге 30 метр жақын жерге лақтырылды деп отыр. Граната жиналып тұрған адамдардың біріне тиіп, жерге түскен, бірақ жарылмапты. Сосын оны грузиялық күзет офицері алып кеткен.