Кеше Иранда орын алған бірнеше жарылыстан кемінде 10 адам қаза болып, 70-тен астам кісі жараланды

ТЕҺРАН. Алғашқы екі бомба Теһранның орталығында жарылған, оның салдарынан кем дегенде бір кісі опат болып, 4 адам жарақат алды. Артынша, Иранның Хузистан провинциясының астанасы Ахваз қаласында орын алған 4 жарылыстан кемінде 8 адам құрбан болып, 70-ке жуық кісі жараланды. Опат болғандардың арасында әйелдер мен балалар да бар. Бұл шабуылдар кезекті президент сайлауына 5 күн қалғанда болып отыр.