Индонезия үкіметі Ачех провинциясындағы көтерілісшілермен бейбітшілік келісімін мақұлдады

ХЕЛЬСИНКИ. Хельсинкиде журналистерге берген сұхбатында Индонезия Ақпарат министрі Софиян Жалил “Азат Ачех қозғалысы” мен ресми Джакарта арасындағы бұл келісімге сәйкес 29 жылға созылған аймақтағы қақтығыс аяқталуға тиіс деді. Келісімге сәйкес “Азат Ачех қозғалысы” аталған провинцияның тәуелсіздігі үшін күресуінен бас тартып, оның орнына саяси партия құруға мүмкіндік алған.