Accessibility links

440 өзбек босқыны Румынияда уақытша баспана тапса, қалған 15 босқынның тағдыры бұлыңғыр


БУХАРЕСТ. Өзбекстаннан қашып Қырғызстанды паналаған өзбек босқындарының алды бүгін Румынияға ұшып жетті. 440 өзбек босқыны басқа – үшінші елден тұрақты пана тапқанша, уақытша Румынияға аялдайды. Өзбек босқындарының бұл сапарын БҰҰ-ының босқындар істері жөніндегі Жоғарғы Комиссариаты ұйымдастырды. Комиссариат өкілінің хабарлауынша, өзбек үкіметінің сұрауы бойынша тұтқындалған тағы 15 босқын – Қырғызстанның Ош қаласында қалды. Ресми Ташкент осы 15-ті қылмыскелер ретінде елге берілуін талап етіп жатса, БҰҰ-ы мен Ташкенттегі АҚШ елшісі оларды Өзбекстанға беруге болмайды, өйткені оларға “босқын” мәртебесі берілген деп отыр. Қырғызстанның Бас прокуроры Әзімбек Бекназаровтың мәлімдеуінше, ол 15 адамды “босқын” деп санауға келмейді.
XS
SM
MD
LG