Accessibility links

Ирақта жаңа Конституцияның жобасын 15 тамызға қарай аяқтау жоспарланып отыр


БАҒДАД. Бүгін Бағдадта АҚШ пен Ирақ күштерінің қауіпсіздік патруліне бомба орнатылған автокөлікпен шабуыл ұйымдастырылып, кем дегенде 6 адам қаза тапты, кемінде тағы 7 кісі жараланды. Негізінен Ирақ полицейлері қаза болды, АҚШ әскері жағынан адам шығыны бар ма, жоқ па, ол әзірше белгісіз. Кеше түнде көтерілісшілер Байджи қаласында да әскери патрульге тасадан шабуыл жасап, 4 АҚШ жауынгері оққа ұшты, 6-ы жарақат алды. Ирақта жаңа конституцияның жобасын жазу жұмысы әрі қарай жалғасуда – жоба 15-інші тамызға қарай дайын болуға тиіс. Конституциялық комитеттің бірнеше мүшесі соңғы күндері Бағдадта соғып тұрған құмды дауылдың салдарынан осы жұмысқа қатыса алмады.

AzattyqTV

XS
SM
MD
LG