Иранның Гүлістан провинциясында су тасқындарынан 32 адам қаза тапты, 6 адам жоғалып кетті. Екі тәулік бойы тоқтамай жауған нөсер Қалалех қаласының маңында 70 астам ауылға зақым келтірді. Кемінде 350 жанұя баспанасыз қалды. Олар қазір күркелерді паналап отыр, соңыра таман тыныш жерге көшірілмек. Нөсер жауын талай жолды шайып кетті, диқаншылардың егіндері мен мүліктеріне, мал мен фермаларға жаппай шығын әкелді.
