Мамырдың 13-інде Әндіжанда болған қырғыннан жасырын қашып Қырғызстанға өткен 3 өзбек азаматы бүгін Оштағы БҰҰ босқындар жөніндегі кеңсесіне өтінішпен келді

Үшеудің айтуынша, олар өзбек қауіпсіздік күштерінен қашып, 3 айдан бері қырғыз жерінде жасырынып жүрген. Қырғызстандағы бейүкіметтік «Әділет және Заң тәртібі» ұйымының жетекшісі Рахматуллаевтің айтуынша, ұйым ол 3 азаматтың БҰҰ кеңсесіне келуіне көмектескен. Өз есімін атамауды өтінген үшеудің бірі Әндіжандағы толқулар кезінде Әндіжан уалаяттық әкімшілік үйінде болған екен.