ИСЛАМАБАД. Иранның ядролық бағдарламасының жетекшісі Әли Лариджани Пәкістан өкілдерімен кездесу үшін бүгін Исламабадқа келуге тиіс еді. Бірақ Пәкістан сыртқы істер министрлігінің өкілі Мухаммад Наим Хан Лариджанидің сапары кейінге қалдырылғанын хабарлап, бірақ оның ешбір себебін түсіндірмеді. Иранның ядролық бағдарламасына тоқталғанында Наим: “Біз күш қолдануға қарсымыз. Кез-келген шешім – барлық жақтың міндеттемелері мен халықаралық ережелерді ескеруге тиіс”, деп мәлімдеп, Иранға қарсы жаза қолдануды Пәкістан қолдамайды деп атап көрсетті.
