ОСЛО. БҰҰ бүкіл әлемдегі адамның тіршілік етуі үшін “ең қолайлы ел” деп жариялаған Норвегияда бүгін парламент сайлауы өтеді. Қоғамдық сауалнамаға қарағанда, билік басындағы оңшыл-центристік коалиция мен оппозициядағы солшыл партиялардың одағы парламенттегі 169 депутаттық орынды тең бөлісетін тәрізді. Премьер-министр Киель Магне Бондевик пен ол бастаған 3 партияның коалициясы салықты қысқартып, әлеуметтік қамсыздандыру жүйесін жетілдіруге уәде беріп отырса, экс-премьердің Еңбек партиясы бастаған 3 жақты одақ салықты қысқарту байларға ғана пайдалы деп мәлімдеп, елдің мұнай байлығын игеру арқылы жаңа жұмыс орындарын ашып, білім жүйесін жетілдіруге және қарттардың ахуалын жақсартуға сөз беріп отыр.
