Ресей мен Германияның сыртқы істер министрлері Мәскеуде Иранның ядролық бағдарламасы мәселесін талқылады

МӘСКЕУ. Сенбі күнгі келіссөзден кейін Сергей Лавров бұл мәселеге қатысты Мәскеудің ұсынысын жүзеге асыруға әбден мүмкін деді. Оған сәйкес, Иран өзінің ядролық бағдарламасына Ресейде байытылған уранды пайдалана алады. Лавровтың айтуынша, Мәскеудің бұл ұсынысы Иран проблемасын шеше алады. Өз кезегінде Франк-Вальтер Штайнмайэр Иранды “ақыл-парасаттылық” көрсетуге шақырды. АҚШ пен Еуроодақ Иран жасырын түрде ядролық қару жасамақшы деп айыптап келеді, ал Иран болса өзінің ядролық бағдарламасы электр қуатын өндіруді көздейді дейді.