НЬЮ-ЙОРК. Еуропа елдерінде Мұхаммед пайғамбарды келемеждейтін суреттердің жариялануына қарсы наразылық толқуы мен қақтығыстардың жалғасуына халықаралық қоғам қатты алаңдап отыр. АҚШ-тың мемлекеттік хатшысы К.Райс қазіргі ахуал шектен шығып кетуі ықтимал деп мәлімдесе, БҰҰ-ының Бас хатшысы К.Аннан бүкіл мұсылман қауымдастығын диалогқа шақырды. Кеше Түркияда наразылық шеруіне 10-даған мың адам шығып, олар Данияның мемлекеттік туын өртеп, Францияның Стамбулдағы консульдігін таспен атқылады.
