Қазақ түрмелерінде өз-өзін өлтіру жағдайлары екі есе өсті

Қазақстан әділет министрлігі Қазақстан түрмелерінде өзін өзі өлтіру жағдайдары былтыр екі есе өсті деп жариялады. Әділет министрлігі қылмыстық жаза өтеу комитетінің төрағасы Ерғали Сағалабаев былтыр ел түрмелерінде отырған 43 азамат өздеріне қол салды деді. 2004 жылға қарағанда бұл екі есе көп. Ерғали Сағалабаев өздеріне өзі жарақат жасау оқиғалары да Қазақстан түрмелерінде былтыр өсе түсті деді. Алматы, Қостанай, Көкшетау, Семей және Шымкент қалаларындағы абақтыларда өлім деңгейі өсе түсті деп ресми көрсетілді.