Ирақта тағы 12-дей адам құрбан болып, 40-тан аса кісі жараланды

БАҒДАД. Өткен тәулікте Ирақта кем дегенде 12 адам түрлі лаңкестің шабуыл мен қастандықтың құрбаны болды. Бір Бағдад қаласында ғана жарылғыш орнатылған 5 автокөлік көкке ұшты. Одан кемінде 3 кісі қаза болып, 20-дан аса адам жараланды. Бағдадтан оңтүстікке қарай орын тепкен Әл-Махмудия қаласында 2 автокөлік жарылып, 3 адам қаза тапты. Баакуба қаласында болған жарылыстан тағы 6 адам, оның ішінде 4 полиция қызметкері көз жұмды. 20-ға тарта кісі жарақат алды.