Соңғы хабарларға қарағанда, Ресейшіл Виктор Януковичтің “Аймақтар партиясы” дауыстың шамамен 27 пайызына қол жеткізіп, алда келеді. Екінші орында елдің бұрынғы премьер-министрі Юлия Тимошенконың блогы тұр. Ал Ющенконың “Біздің Украина” партиясы үшінші орынды иеленді. Дүйсенбі күні Тимошенко Мәскеушіл партияларды үкіметтен аулақ ұстау үшін жаңа либералдық коалиция премьер-министрі етіп өзінің тағайындалуын президенттен сұраған болатын. Еуропалық Одақ, АҚШ-ы және Еуропадағы қауіпсіздік және ынтымақтастық ұйымы Украинадағы сайлау демократиялық талаптарға сай келді деді. Ал президент Ющенконың айтуынша, Украинаның өзі жеңіске жеткен.
“Сайлауда бір жеңуші болады – бұл халық. Жергілікті және халықаралық бақылаушылардың мәлімдемелері Украинаның дамократиялық таңдауын растайды. Мен бұл үшін бақыттымын”, - деді Ющенко.
“Сайлауда бір жеңуші болады – бұл халық. Жергілікті және халықаралық бақылаушылардың мәлімдемелері Украинаның дамократиялық таңдауын растайды. Мен бұл үшін бақыттымын”, - деді Ющенко.
