АҚШ президенті Дж.Буш Ресейдің демократияға толық бет бұрғанына онша көзі жетпейді

Немістердің “Билд” газетіне берген сұхбатында ол Ресей президенті В.Путинмен арадағы жылы шырайлы қарым-қатынасын жоғары бағалап, Вашингтон мен Мәскеудің көп сала бойынша ынтымақтас екенін ерекше атап өтті. Бірақ, сонымен бірге АҚШ президентінің мәлімдеуінше, Ресейден АҚШ-ты “ол шынайы демократияға ұмтыла ма?” деген ойға қалдыратындай қарама-қайшы хабар жетіп жатады. Сондай-ақ Дж.Буш Ресейдің саяси мүддеге жету үшін мұнай компанияларын пайдалануына алаңдаушылығын білдірді.