Бүгін Ирақ премьер-министрі Нұри Әл-Мәлики жаңа ұлттық үкіметтің бірінші мәжілісін өткізді. Кейінірек Әл-Мәлики журналистерге елдегі ұлттық бірлікті нығайту, елдің қираған инфрақұрылымын қалпына келтіру және Бағдад қаласының қорғанысын жетілдіру арқылы көтерілісті бұқара халықтың қолдауынсыз қалдыруға бар күшін салатынын мәлімдеді. Ол Ирақты қанға тұншықтырған көтеріліске тойтарыс беру үшін өз үкіметінің бар күшін аямайтынын атап көрсетті. 5 айға созылған талас-тартыстан кейін Ирақ прарламенті жаңа үкіметті кеше мақұлдады. Бұл – Ирақтың АҚШ басып кіріп С.Хусеиннің билігін құлатқан 2003-інші жылдан бергі бірінші толыққанды үкіметі. Үкімет мәжілісімен қатар елде жаңа жарылыстар мен тосын шабуылдар жалғасып жатты. Бір Бағдадтың өзінде кемінде 19 кісі мерт болып, тағы талай адам жараланды.
Жаңалықтар
Көз сала отырыңыз
-
Түркістан облысы
"Оқушы қызды жәбірлеген". Зағамбар ауылында не болды?
-
Шығыс Қазақстан облысы
Кеніш үстіндегі Зайсан ауданының ауылдары неге газбен қамтылмай қалды?