Черногория парламенті бүгін тәуелсіздік декларациясын қабылдамақ

Тәуелсіздік референдумы 21 мамырда өткен, сайлаушылардың 55 пайызынан астамы Сербиядан бөлініп шығуды жақтады. Осылайша шамаман 90 жылға созылған Сербия және Черногория федерациясы таратылып жатыр. Бүгін қабылданады деген тәуелсіздік декларациясында Черногория демократиялық ел, заң мәртебесін басшылыққа алатын ел, адам құқықтары мен азшылықтар құқықтарын құрметтейтін ел деп мәлімденбек.