Нью-Йоркте орналасқан "Хьюман райтс уотч" ұйымы Шанхай Ынтымақтастық ұйымының мүшелерін терроризмге қарсы күрес желеуімен бейбіт диссидент топтарды қысымға салмауға шақырды. Шанхай қаласында ертең Шанхай Ынтымақтастық ұйымының саммиті ашылмақ. Қазақстан, Ресей, Қырғызстан, Тәжікстан және Өзбекстан басшылары Шанхайға келіп жетті. Иран президенті Махмұд Ақмеденижат да Қытайға келіп жетті, Иран осы ұйымда бақылаушы мәртебесіне ие. Саммит барысында қауіпсіздік, мұнай, терроризм және шекара бақылауы мәселелері талқыланбақ.
