Нобель сыйлығының лауреаттары АҚШ-тың Солтүстік Кореяны қысымға алуына қарсы

СЕУЛ-МӘСКЕУ. Нобель сыйлығы лауреаттарының тобы Америка Құрама Штаттарын Солтүстік Кореяның ядролық бағдарламасы проблемасын шешу мақсатымен оған қарсы қолданған шектеуін тоқтатуға шақырды. Сонымен қатар Нобель лауреаттары, олардың ішінде Оңтүстік Кореяның және КСРО-ның экс-президенттері Ким Дэ Чжун мен М.Горбачев және адам құқын қорғаушы “Эмнисти интернэшнл” ұйымының басшылары Солтүстік Кореяны өзінің ядролық бағдарламасы бойынша 6 жақты келіссөзге қайта оралуға және халықаралық инспекторларды өзінің нысандарына жіберуге шақырды.