АҚШ-тың Ирақтағы қолбасшысы генерал Джордж Кейси Иран Ирақтың ішкі шаруаларына қол сұғып отыр деп айыптады. Джордж Кейси бұл сөзін Вашингтонда қорғаныс министрі Дональд Рамсфельдпен өткізген баспасөз-мәслихатында айтты. Джордж Кейси Иран шиит экстремистік топтарын жаттығудан өткізеді, оларға қару береді деді. АҚШ үкіметі Иран қауіпсіздік мекемелеріндегі кейбір адамдар Ирақтағы көтерілісшіл топтарға қару беріп отыр дейді. Дегенмен, ресми Вашингтон бұл шаруаны Иран үкіметі қолдайды дегенге дәлеліміз жоқ деді.
