БЕРЛИН. Кеше футболдан Германияда өтіп жатқан Әлем біріншілігінде Италия мен Украина құрамалары ширек финалға шықты. Егер италияндықтар ойынның қосымша берілген уақытының соңғы минутында Аустралия қақпасына 11 метрлік айып добын соғып, 1:0 есебімен жеңіске жетсе, Украина мен Швейцарияның кездесуі әлдеқайда драмалық жағдайда өтіп, ширек финалдың тағдыры 11 метрлік пенальти тебумен шешілді. Украиналықтар 4 пенальтидің үшеуін соғып, 3:0 есебімен басым түсті. Жұма күні Украина құрамасы Италиямен кездеседі.
