Бомбей поездарындағы 7 жарылысты әзірше ешкім өз жауапкершілігіне алған жоқ

БОМБЕЙ. Үндістан үкіметінің хабарлауынша, елдің қаржы орталығы болып табылатын Бомбей қаласының қала сыртына қатынайтын поездарында кем дегенде 7 жарылыс болып, 160-тан астам адамның қаза болуына байланысты бүкіл елде қауіпсіздіктің төтенше шаралары қабылданды. Үнді үкіметінің есептеуінше, бір орталықтан ұйымдастырылған бұл қастандықтарды әзірге ешкім өз жауапкершілігіне алмай отыр. Жарылыстар кеше кешкісін іске асырылды.