Израильдің Ливанға қарсы жасаған шабуылынан кемінде 50 бейбіт тұрғын мерт болды

НЬЮ-ЙОРК. Бүгін БҰҰ-ының Қауіпсіздік Кеңесі Израильдің Ливанға шабуыл жасауын талқылау үшін төтенше мәжілісіне жиналады. Сәрсенбі күні “Хезболлаһ” тобының 2 Израиль жауынгерін тұтқындауынан кейін, Израильдің Ливанға жасаған шабуылдарынан кем дегенде 50 бейбіт тұрғын қаза тапты. Бүгін таң сәріде Израиль Бейрутты Сирия астанасы – Дамаскімен байланыстыратын негізгі автожолды бомбалады. Кеше “Хезболлаһ” тобы Израильдің үшінші ірі қаласы болып табылатын Хайфа қаласын зымырандармен атқылады.