Бұдан былай Тикрит қаласының қауіпсіздігін Ирақтың өз күштері қорғайтын болды

ТИКРИТ: АҚШ-тың Ирақтағы елшісі Залмай Халилзад Иранды Ирақтағы ахуалды бұзғысы келеді деп айыптады. Оның айтуынша, Теһран Израиль-Хизболлаһ жанжалын Ирақтағы ахуалды бұзу мақсатында пайдалануы мүмкін. Сейсенбі күні З.Халилзад журналистердің алдында Ливандағы жағдай Ирақтағы ахуалға ықпал етіп отыр деп мәлімдеді. АҚШ елшісі бұл пікірін Ирақтың солтүстігіндегі Тикрит қаласын қорғау міндетін АҚШ әскерінің құзырынан Ирақтың қауіпсіздік күштеріне беру рәсімі кезінде білдірді.