НЬЮ-ЙОРК: АҚШ президенті Джордж Буштың мәлімдеуінше, Американың Ирақты қолдауы жалғаса береді. Кеше БҰҰ-ының Нью-Йорктегі Бас Ассамблеясының сыртында Ирақ президенті Жалал Талабанимен өткізген келіссөзінен кейін Дж.Буш оған осындай уәде берді. Сонымен қатар АҚШ президенті Ирақ лидерлерін елдің тұрақты дамуы мен қауіпсіздігін қамтамасыз ету үшін барлық проблемаға төтеп беруге шақырды. Өз кезегінде президент Талабани Ирақ үкіметінің ұлтты біріктіру үшін іс атқарып жатқанын мәлімдеді.
