16-ншы Бенедикт исламды “аса құрметтейді” және екі жақты да төзімділікке шақырады

РИМ: Бүгін мұсылман елдерінің дипломаттарымен кездесуі барысында Рим Папасы 16-ншы Бенедикт исламды “аса құрметтейтінін” мәлімдеді. Орта ғасырдағы христиан императорының ислам мен Мухаммед пайғамбарға тіл тигізетін сөзін қайталауынан туған дағдарысты жуып-шаю мақсатында Рим Папасы католиктер мен мұсылмандардың арасындағы диалог – “өмірдің қажеттілігі” деп атап көрсетті. Понтификтің Римнің іргесіндегі жазғы Кастелгондолфо кеңсесінде өткен бұл кездесуге мұсылман елдерінен 20-ға жуық өкіл қатысты.