Күншығыс елінің үкіметіне соңғы 60 жылдағы ең жас премьер-министр отырды

ТОКИО: Жапония парламенті билік басындағы Либералдық-демократиялық партияның төрағасы Синзе Абэні премьер-министр лауазымына бекітті. Премьер-министр Дзюнъитиро Коидзуми бастаған үкімет билік басында 5 жыл болып тарады. Коидзуми жаңа үкімет өзі бастап кеткен реформаларды жалғастырады ғой деген үмітін білдірді. Күншығыс елінің 2-нші дүниежүзілік соғыстан кейінгі ең жас премьері болып отырған 52-жастағы Синзе Абэ – АҚШ-пен арадағы байланысты кеңейтуді және халықаралық сахнадағы Токионың абыройын арттыруды көздейді.