Кісі қолынан қаза тапқан Ресей журналисі Анна Политковскаяны достары мен туыстары, әріптестері бүгін соңғы сапарға шығарып салды

Политковскаяның мәйіті 7- қазан күні өз үйінің лифтісінде табылған еді. Журналист Кремлдің Шешенстан соғысына байланысты саясатын сынаған көптеген мақалалар жазған болатын.

Политковскаяның "Новая газетадағы" әріптестері мен басқа комментаторлар журналистің өлімін оның шығармашылығымен байланыстырады. Президент Путин журналисті қастандықпен өлтіргендер табылады деп уәде етті.