М.Омар талибандықтар Ауғанстандағы шетел әскерлеріне қарсы шабуылдарын одан сайын күшейтеді деді

“Талибан” қозғалысының лидері Муллаһ Омардың мәлімдеуінше, талибандықтар шетел күштерін Ауғанстаннан шығару мақсатында оларға қарсы шабуылдарын одан сайын күшейтеді. Муллаһ Омардың бұл мәлімдемесі Ораза айт мерекесі қарсаңында Пәкістан ақпарат агенттігіне электронды пошта арқылы жіберілген. Онда “Талибан” басшысы Омар Ауғанстанда совет өкіметіне ұқсап американдықтардың да жеңілетіндігіне сенетінін айтқан.