ТЕҺРАН: Иран өзінің жағалауына жақын теңіз бетінде АҚШ бастаған елдердің осы аптада өтетін бірлескен әскери-теңіз жаттығуларына онша алаңдамайтынын мәлімдеді. Дүйсенбі күні АҚШ, Аустралия, Бахрейн, Ұлы Британия, Франция және Италияның соғыс кемелері қару-жарақ жасауға қажетті материалдарды заңсыз тиіген жүк кемелерін тексеруге жаттығу операциясын өткізеді. Иранның әскери теңіз флотының бас қолбасшысы Саджад Кучаки Теһранның әлгі операцияны мұқият бақылайтынын мәлімдеді. Сыртқы істер министрлігі өкілінің мәлімдеуінше, Иран ол жаттығуды “қауіп-қатер” деп қабылдамайды.
