АСТАНА: Қазақстанның ішкі істер министрлігі есірткі саудасына қатысты кейбір қылмыс бойынша өлім жазасына кесуді ұсынды. “Азаттық” Радиосына берген сұхбатында ішкі істер министрлігінің есірткі айналымына қарсы күресетін комитетінің басшысы Анатолий Выборов өлім жазасын аса ірі көлемдегі есірткі затты тасымалдап сатқан немесе заңсыз есірткі саудасына жеткіншектерді тартқан қылмыскерлерге қарсы қолдануды ұсынғанын атап көрсетті. Қазақстан өлім жазасын 3 жыл бұрын тоқтатқан болатын.
