Н.Назарбаев пен И.Кәрімовті Қырғызстандағы саяси ахуал алаңдатып отыр

БІШКЕК: Бүгін Қырғызстан президенті Қ.Бәкиев телефонмен өзбек және қазақ лидерлері Ислам Кәрімовпен және Н.Назарбаевпен сөйлесті. Қ.Бәкиевтің интернет-сайтында жазылғандай, 3 көрші елдің лидерлері ТМД елдері басшыларының алдағы уақытта өтетін бас қосуының жай-жапсарын, екі жақты қарым-қатынас мәселелерін және аймақтық проблемаларды талқылаған. Интернет сайттың хабарлауынша, Н.Назарбаев Қ.Бакиевтен Қырғызстандағы соңғы саяси ахуалды сұрап білген. И.Кәрімов пен Н.Назарбаев 3-інші қараша күні Ташкентте кездескен болатын.