Британияның екі жолаушы ұшағында радиация элементі байқалған

Британияның Бритиш Эйруейз авиакомпаниясының мәлімдегеніндей, Лондонда ресейлік бұрынғы қауіпсіздік саласы қызметкері Литвиненконың уланып қаза табуына байланысты 3 ұшақ зерттелген кезде оның екеуінен радиация қалдықтары табылған. Ол ұшақтар сондай-ақ Лондон мен Мәскеу бағытында да ұшқан екен. Бірақ әзірше ол радиоактивті элементтің құрамы анықтала қоймапты. Ресейлік бұрынғы құпия қызмет агенті Литвиненко өткен аптада Лондон емханасында көз жұмған болатын. Дәрігерлер оның Полониум-210 дозасынан уланғанын айтқан еді.