“Түркіменбасын” жерлеуге мемлекеттік хатшының орынбасары да қатысты

ВАШИНГТОН: Америка Құрама Штаттары Түркіменстанда президент С.Ниязовтың қазасынан кейін биліктің қолдан қолға бейбіт және заңға сәйкес өтетініне үміттенеді. Кеше АҚШ-тың мемлекеттік хатшысының орынбасары Ричард Баучер мәлімдегендей, ресми Вашингтон билікке жаңа басшылық келгеннен кейінгі Ашхабадпен арадағы қарым-қатынасының дамуына үміт артады. Р.Баучер Ашхабадта С.Ниязовты жерлеу рәсіміне қатысып, президент міндетін атқарушы Гурбангулы Бердімұхаммедовпен кездесті.