Ирақтың бұрынғы диктаторы мен оның екі әріптесі адамзатқа қарсы жасаған қылмыстары үшін ең ауыр жазаға кесілген болатын. Олар 1982 жылы Дужайл ауылында 148 шииттің өлтірілуіне тікелей қатысы бар деген айып тағылған. Ирақ президенті мен екі вице-президенті үкімді бекітетін болса, ол 30 күннің ішінде орындалуы тиіс. АҚШ Саддамға байланысты сот шешімін Ирақтың тарихындағы маңызды жайт деп бағаласа, Халықаралық рақымшылық және Адам хұқтарын қорғаушы ұйымдар мұндай шешімнің қабылдануына саяси қысым әсер етті деп есептейді.
