Иранда “Ислам төңкерісінің” 28-жылдығы тойлану үстінде

ТЕҺРАН: Бүгін жыл сайынғы “Ислам төңкерісінің күні” мерекесін тойлауға Теһранда 10-даған мың халық көшеге шықты. Олар Иран президенті Махмуд Ахмадинеджадтың құттықтау сөзін тыңдау үшін Теһрандағы “Азади”, яғни “Бостандық” алаңына жиналды. Өз сөзінде президент Иранның ядролық бағдарламасын әрі қарай дамыту жоспарын жариялауға тиіс. Бүгінгі той – Иран шахын тақтан құлатудың 28-жылдығына арналған мерекенің ең маңызды күні.